Una poesía en estremeñu del célebre escritor José María Gabriel y Galán (1870-1905), en un momento donde sobran embargos y desahucios en este país... Esta letra ha sido difundida musicalmente hablando por el Cantautor Extremeño PEPE EXTREMADURA.
EL EMBARGO
Señol Jues, pasi usté más alanti
y que entrin toos esos;
no le dé a usté ansia,
no le dé a usté mieo...
Si venís antiayel a afligila,
sos tumbo a la puerta. ¡Pero ya s'ha muerto!
Embargal, embargal los avíos,
que aquí no hay dinero:
lo he gastao en comías pa ella
y en boticas que no le sirvieron,
y eso que me quea,
porque no me dio tiempo a vendello,
ya me está sobrando,
ya me está gediendo.
Embargal esi sacho de pico,
y esas jocis clavás en el techo.
Y esa segureja
y esi cacho e liendro...
¡Jerramientas que no quedi una!
¿Ya, pa qué las quiero?
Si tuviá que ganalo pa ella,
¡cualisquiá me quitaba a mí eso!
Pero ya no quió vel esi sacho,
ni esas jocis clavás en el techo.
Ni esa segureja
ni ere cacho de ilendro...
¡Pero a vel, señol jues: cuidaíto
si alguno de ésos
es osao de tocali a esa cama
ondi ella s'ha muerto:
la camita ondi yo la he querío
cuando dambos estábamos güenos:
la camita ondi yo la he cuidiau,
la camita ondi estuvo su cuerpo
cuatro mesis vivo
y una nochi muerto.
¡Señol Jues: que nenguno sea osao
de tocal a esa cama ni un pelo,
porque allí lo jinco
delanti usté mesmo!
Lleváisoslo todu,
todu, menos eso;
que esas mantas tienin
suol de su cuerpo...
¡Y me güelin, me güelin a ella
ca ves que las güelo...!
No hay comentarios:
Publicar un comentario
Puedes escribir un comentario en este blog. En la medida de lo posible debes intentar ser constructivo, evitar los comentarios malsonantes y los insultos. Muchas gracias por colaborar.